Manathil Padhindhavar Dr_G_Umapathy by Ervadi Rathakrishnan

உயர்ந்த மாமனிதர் உமாபதி புகழ் ஓங்குக

முனைவர் – கவிஞர் இரவிபாரதி எம். ஏ., பிஎச்.டி

பெருந்தலைவர் காமராஜர் பேரன்பைப் பெற்று
அருந்தலைவர் மபோசியுடன் தமிழ் முரசாய் இணைந்து
நெருக்கமான நண்பராக கலைஞரோடும் எம்ஜிஆரோடும்
நேசமுடன் பழகிய உமாபதி அவர்கள்…!

அச்சுத்தொழில் தன்னில் அடியெடுத்து வைத்து
அல்லும்பகல் பாராது அயராது உழைத்து
மெச்சுகிற வகையில் உயர்ந்து வளர்ந்திட்ட
மேன்மை நாயகர் உமாபதி அவர்கள்…!

அடுத்தவரை மதிக்கின்ற அருங்குணம் கொண்டு
அணுகுமுறைப் பாங்கில் அனைவரையும் வென்று
அடுக்கடுக்காய் சாதனைகள் நிகழ்த்திய மாமனிதர்
ஆல்போல் கிளைவிரித்த உழைப்பின் செல்வர்…!

என்வரிசை எப்போதும் முன்வரிசை என்று
எல்லோரும் போற்றிட இமயமாய் நின்று
நன்முறையில் இல்லறம் நடத்தி வாழ்ந்திட்ட
நாயகரின் புகழை நாளும் போற்றிடுவோம்…!

பத்திரிகை ஆசிரியர் பண்பான எழுத்தாளர்
பாங்குறப் பேசுகிற மேடைப் பொழிவாளர்
முத்தான நடிப்பிலும் ஒளிவீசி நின்று
முத்திரை பதித்தவரரின் புகழோங்கச் செய்திடுவோம்…!

திரையுலகில் மட்டுமல்ல திரையரங்க உலகிலும்
திருப்புமுனை ஏற்படுத்திய சாதனை யாளர்…!
நிர்வாகத் திறமையிலும் நேரத்தின் அருமையிலும்
நிமிர்ந்து நிற்கின்ற நன்னெறி யாளர்…!

ஒரு நூறு ஆண்டுகள் கடந்து மணக்கும்
ஒப்பற்ற கலைமாமணி உமாபதி பிறந்த நாளை
மறவாமல் கொண்டாடி மகிழ்ந்திடுவோம்…!
மாமனிதர் நினைவுகளில் நனைந்திடுவோம்…!

கலைமாமணி டாக்டர் ஜி. உமாபதி அவர்களின் நூற்றாண்டு விழா

05-07-2020

(1920 – 1995)

பிரபு RK

அன்போடு அரவணைக்கும் அன்னை என அவர் வாழ்ந்தார்!

ஆற்றல்மிகு உழைப்பும் அயராத மனத்துணிவும் ஏற்றமிகு வாழ்க்கைக்கு அதுவே உரமாகும் என்றுரைப்பார்.

கற்றோர் தம் கூட்டத்தில் தனித்துத் தெரிவார்.

கவியூணர்வு காவிய சிறப்பு அனைத்தும் அவரறிவார்.

தமிழுணர்வை தன்னகத்தே இருத்திக் கொண்டார்!

தமிழ் மொழியின் சொல் அழகில் நெகிழ்ந்தே போவார்!

நல்லோரும் நாட்டோரும், வியந்து பேச, நற்பணிகள், பொதுப்பணிகள், நிறைந்தே செய்வார்!

தேசத்தை, தேசியத்தை போற்றி வாழ்ந்தார்!

அரசியல் வழி செயல்பாடுகள் அனைத்தும் அவர் தலைவர் கர்மவீரர் காமராஜர் பாதை ஒன்றே என்பார்

கவிக்கழகாய், மொழிக்கழகாய் சிறக்க வாழ்ந்த சிலம்புச் செல்வர் வழக்கு மொழி உயர்ந்தது என்பார்!

அருட்செல்வம், பொருட்செல்வம் அனைத்தும் பெற்றார்!

அவர் பெயர் சொல்லும் நன்மக்கட்செல்வங்கள் நிறைவாய்ப் பெற்றார்!

தன்மானம், தன்னம்பிக்கை, தளராமுயற்சி – இவையனைத்தும் வளரும் சந்ததிக்கு வாழ்க்கைத்துணை என்பார்!

பெற்றோரின், பெரியோரின் நினைவைப் போற்றி – நற்செயல்கள் நலன் காண தினம் உழைப்பார்!

நாடு வாழ, நலிந்தோர் நலன்காண துணிவுடனே துணை நிற்பார்!

வான் புகழும், வள்ளுவர் தம் குறள்வழிப் பற்றி, நற்செயல்கள் பல செய்தார் – நலமே கண்டார்!

நாடு போற்ற வாழ்ந்தவர்கள் சரித்திரப் பதிவில் வாழ்கின்றார் உமாபதி எனும் சீராளர்.

எங்கள் சிந்தையெல்லாம் நிறைந்து வாழும் பெருங்குணத்தோன்

இன்னும்பல நூற்றாண்டுகள் அவர் புகழ் வாழ்க வாழ்கவே!

கலைமாமணி டாக்டர் ஜி உமாபதி –

கலைமாமணி ஏர்வாடி எஸ் ராதாகிருஷ்ணன்

ஏர்வாடிஇன் எண்ணத்துளிகள்

உமாபதி…,
ஊரறிந்தவர்; உலகறிந்தவர்
என்பதற்கெல்லாம் அப்பால்
பலரது உள்ளம்றிந்தவர்;
எல்லோரது உள்ளமும் நிறைந்தவர்.

அடுத்தவர் உழைப்பில்
அன்றாடம் உலாவோர் நடுவே
தன்நுழைப்பால் தாநுயர்ந்தவர்.

ஒருபோதும் நெஞ்சம்
தளர்ந்ததில்லை என்பதே இவர்
வானலால் இங்கே
வளர்ந்ததற்கு காரணம்.

எல்லோரையும் போலவே
என்மீது இவருக்கு எப்போதும் அன்பு,
இவர் மீதும் எனக்கு இருக்கிறது அப்பண்பு.

நான் யாரிடமும்
குழைவதில்லை ஆனால்
இழைந்துவிடுவேன்
ஒவ்வொரு நட்பு நேசலிலும்
நாலைந்து நூல்களலானது
நானாக இருப்பேன்

அணிந்து கொள்வோருக்கு
என் அன்பு அலாதி சுகம்.

எப்போதும் உமாபதி
என்னை தம்பி என்றுதான் அழைப்பார்,
ஒரு முறையில் பார்த்தால்
இளம்பாரிக்கு நான்
சித்தப்பா உறவு…
சொத்து சுகத்தில்
கொஞ்சம் சித்தப்பாவுக்குத்தந்தால்
அந்த பெத்தப்பாவுக்குப்
பெரிய மகிழ்ச்சி.

உமாபதி யாருக்கு
ஒளிவுமறைவு இல்லை
உள்ளத்தில் ஓர் தெளிவு!
நெளிவு சூழல் அறிந்த
நெஞ்சத்தில் ஓர் நிறைவு!

பொருள் குவித்த வாழ்க்கை
பொருள் பொதிந்த வார்த்தை
இவற்றுக்கும் இருப்பிடம்
எங்கள் உமாபதி யார்.

எழுத்தாளர் சங்கம்தான
எங்களைச் சேர்ந்தது
விக்ரமன் வழங்கிய வரம் இது

சேர்ந்த பிறகு ஒரு நாள்
இத்தனை நாள்களாய்
தெரியாமல் இருந்தேனே… உன்னை
அறியாது இருந்தேனே
என்று ஆதங்கம் சொன்னார

அந்நாளில்
அய்யாவும் நானும்
அனைத்து இந்திய தமிழ் எழுத்தாளர் சங்கத்தில்
கலக்கினோம் – கொஞ்சம்
உ லுக்கினோம்.
சங்கம் வளர்வதற்கு எங்கள்
பங்கும் இருந்தது.
அப்போது வளர்ச்சி வேறு
இப்போது வளர்ச்சி வேறு.

அப்போதோ ஒரே ஒரு சங்கம்
இப்போதோ ஒரே தங்கமயம்…
ஒன்றாய் இருந்தது இப்போது
மூன்றாய் இருக்கிறது.

யாருக்குத் தலைவராக ஆசையோ
ஆளுக்கொன்றாய்
அமைத்துக்கொள்ளலாம்.

எழுத்தாளர்களுக்கு எங்கு போவது
என்ற கவலை யாருக்கும் வேண்டாம.
அரிமா சங்கத்தில்
அரிமாவா உறுப்பினர்.?

எழுத்தாளர் இல்லாமலும்
எழுத்தாளர் சங்கம் அமைக்கலாம்
எழுதாமல்கூட எழுத்தாளர் ஆகலாம்.

உமாபதி இல்லை என்பதால்
எல்லோருக்கும் குளிர் விட்டுப் போய்விட்டது.
ஒவ்வொரு நாளும் ஒவ்வொரு சங்கம் என்று
துளிர் விட்டுப் போயிற்று.

அய்யா உமாபதி
அற்புத எழுத்தாளர்
உமா என்கிற
உயர்ந்த இதழில்
எழுதி குவித்த
எழுத்துச் சித்தர்.
தமிழை வளர்க்கவும்
தமிழனை வளர்க்கவும்
தினமும் நினைத்த
தேசியத்தலைவர்.

வாழ்க்கையில் நடிக்கத்
தெரியாத மனிதன்
வெள்ளித்திரையில்லோர்
வேடம் ஏற்றார்.
அதில்
நடித்தார் என்பதே தவறு.
வந்து போனார்… ஏற்ற வேடத்தில்
வாழ்ந்து போனார்.

சினிமா இவருக்குப்
புகழ் தரவில்லை. அந்த
சினிமா இவரால்
புகழ் பார்த்துக்கொண்டது.

உமாபதி!

உயர்ந்த மனிதர்
உன்னத மனிதர்
பயமேதும் அறியாத
பண்பு மனிதர்
வியர்வைத் துளிகளுக்கு
விலாசம் தந்தவர்.
அயர்விலாத
அற்புத மனிதர்
அன்பருக் கெல்லாம்
அன்பு மனிதர்.

இன்னும் பல நாள்
வாழ்ந்திருக்க வேண்டும்…
இல்லையென்றால்
இன்னும் பல்லாண்டு
இவர் புகழ் வாழுமே!